Առևտրի իրականացման վայրի կազմակերպման գործունեության լիցենզավորումը իրականացվում է «Լիցենզավորման մասին», «Պետական տուրքի մասին» և «Առևտրի և ծառայությունների մասին» Հայաստանի Հանրապետության օրենքներով սահմանված պահանջների և Հայաստանի Հանրապետության կառավարության 2009 թվականի մարտի 5-ի N 287-Ն և 2009 թվականի մարտի 5-ի N 254-Ն որոշումներով հաստատված կարգերի համաձայն: Առևտրի իրականացման վայրի կազմակերպման լիցենզիան տրամադրվում է բարդ ընթացակարգով`անժամկետ: Առևտրի իրականացման յուրաքանչյուր վայրի կազմակերպման համար տրվում է առանձին լիցենզիա: Այն տրվում է «Լիցենզավորման մասին» Հայաստանի Հանրապետության օրենքով և վերոնշյալ որոշմամաբ նախատեսված բոլոր փաստաթղթերը ներկայացնելուց հետո 30 օրվա ընթացքում` Հայաստանի Հանրապետության էկոնոմիկայի նախարարի 2009 թվականի մայիսի 15-ի N 307-Ա հրամանով ստեղծված լիցենզավորող հանձնաժողովի եզրակացության հիման վրա:

Առևտրի իրականացման վայրի կազմակերպիչ հանդիսացող հայտատուները լիցենզիա ստանալու համար լիցենզավորող մարմին են ներկայացնում հայտ` կցելով ներքոհիշյալ փաստաթղթերը, ընդ որում` փաստաթղթերը կարող են լիցենզավորող մամնին հանձնվել առձեռն, փոստով կամ էլեկտրոնային եղանակով (www.e-gov.am/licenses):

Համաձայն «Պետական տուրքի մասին» Հայաստանի Հանրապետության օրենքի 19-րդ հոդվածի 18-րդ մասի 14-րդ կետի 1, 2 և 3-րդ ենթակետերի լիցենզիայի տրամադրման համար գանձվում է տարեկան պետական տուրք: Պետական տուրքի փոխանցումը կատարվում է Հայաստանի Հանրապետության Ֆինանսների նախարարության աշխատանքի գործառնական վարչությունում բացված հետևյալ հաշվեհամարներին.

Պետական տարեկան տուրքի վճարումը յուրաքանչյուր առաջիկա տարվա համար կատարվում է մինչև առաջիկա տարին սկսելը` լիազոր մարմնի կողմից տարեկան պետական տուրքի գանձման օբյեկտ հանդիսացող ծառայությունների մատուցման կամ գործողությունների կատարման արդյունքում լիցենզիաների վրա նշված տրման ամսաթվից ոչ ուշ («Պետական տուրքի մասին» ՀՀ օրենք, հոդված 34): «Պետական տուրքի մասին մասին» Հայաստանի Հանրապետության օրենքի 35-րդ հոդվածի 3-րդ մասով նախատեսված է, որ օրենքով սահմանված տարեկան պետական տուրքերի վճարման համար սահմանված ժամկետներում վճարումը չկատարելու դեպքում բյուջե չվճարված պետական տուրքի գումարները ենթակա են վճարողից բռնագանձման պետական բյուջե` ժամկետանց յուրաքանչյուր օրվա համար 0.5 տոկոսի չափով հաշվարկված տույժի հետ միասին:

Առևտրի իրականացման վայրի լիցենզիա ունեցող կազմակերպիչը յուրաքանչյուր եռամսյակի համար մինչև տվյալ եռամսյակին հաջորդող ամսվա 15-ը ներառյալ Հայաստանի Հանրապետության կառավարության 2009 թվականի մարտի 5-ի N 287-Ն որոշմամբ սահմանված կարգով լիցենզավորող մարմնին է ներկայացնում հաշվետվություն` տվյալ եռամսյակի ընթացքում առևտրի իրականացման վայրի տրամադրված վաճառատեղերի և վաճառողների վերաբերյալ («Առևտրի և ծառայությունների մասին» ՀՀ օրենք, հոդված 3.1.մաս 5):

Ոլորտը կարգավորող օրենսդրությունը տես Փաստաթղթեր բաժնում:

2009-2011թվականների ընթացքում լիցենզավորվել են 109 կազմակերպություն և անհատ ձեռնարկատեր, որից 9-ը լիցենզիայի գործողությունը դադարեցվել է:

2009-2011թթ. ընթացքում ՀՀ էկոնոմիկայի նախարարության կողմից լիցենզավորված կազմակերպությունների և անհատ ձեռներեցների ցանկ