2012թ. ստուգումների տարեկան ամփոփ ծրագիր

Նախագծեր

Տեսչական բարեփոխումներ ՀՀ Կառավարությունը նախաձեռնել է Հայաստանի տեսչական համակարգի բարեփոխման գործընթաց: 2009թ. սեպտեմբերի 17-ին ՀՀ Կառավարությունը թիվ 1135-Ն որոշմամբ հաստատել է Հայաստանում տեսչական բարեփոխումների հայեցակարգը, ձևավորվել է Տեսչական բարեփոխումների համակարգման խորհուրդ և Քարտուղարություն` ՀՀ էկոնոմիկայի նախարարության տեսչական բարեփոխումների խումբը: Բարեփոխման նպատակն է առավել արդյունավետ տեսչական համակարգի ձևավորումը բոլոր շահառուների տեսանկյունից`

• Սպառողների համար` անվտանգության ապահովում
• Գործարարների համար` կանխատեսելի գործարար միջավայրի ապահովում` զերծ ավելորդ բյուրոկրատիայից և անհարկի ճնշումներից, տեսուչ-գործարար հարաբերությունների նոր մակարդակ
• Պետության համար` ռեսուրսների առավել օպտիմալ օգտագործում` անվտանգության ապահովման առավելագույն մակարդակի պայմաններում :

Տեսչական բարեփոխումների հիմնական ուղղություններն են`

 - Տեսչություններում ռիսկի վրա հիմնված ստուգումների համակարգի ներդրում

 - Տեսչություններում ստուգաթերթերի ներդրում

 - Տեսուչ - գործարար արդյունավետ համագործակցության ձևավորում

 - Տեսչական համակարգի արդիականացում:

Տեսչական բարեփոխումների շրջանակներում մշակվել և ՀՀ ազգային ժողովի կողմից 23.06.2011 թվականին հաստատվել է «ՀՀ-ում ստուգումների կազմակերպման և անցկացման մասին» ՀՀ օրենքում փոփոխություններ և լրացումներ կատարելու մասին» ՀՀ օրենքը, որի հիման վրա.

• Ստուգում իրականացնող բոլոր մարմինները պետք է ներդնեն ռիսկի վրա հիմնված ստուգումների համակարգեր և պլանավորեն ստուգումները, ելնելով տնտեսավարող սուբյեկտի ռիսկայնությունից.

1. Բարձր ռիսկայնությամբ տնտեսավարողների մոտ` տարին մեկ անգամ:
2. Միջին ռիսկայնությամբ տնտեսավարողների մոտ` 3 տարին մեկ անգամ:
3. Ցածր ռիսկայնությամբ տնտեսավարողների մոտ` 5 տարին մեկ անգամ հաճախականությամբ, ընդ որում` բարձր ռիսկայնությամբ տնտեսավարողների խմբում կարող են ընդգրկվել ստուգման ենթակա տնտեսավարողների առավելագույնը մինչև 20%-ը:

• Ստուգման տարեկան ծրագրերը մինչև նախորդող տարվա դեկտեմբերի 1-ը պարտադիր հաստատվում և հրապարակվում են ստուգում իրականացնող մարմինների կողմից:
• Ստուգում իրականացնող բոլոր մարմինները պարտադիր հրապարակում են փաստացի իրականացված ստուգումների և ուսումնասիրությունների վերաբերյալ հաշվետվություն մինչև հաշվետու տարվան հաջորդող տարվա հունվարի 20-ը:
• Ստուգում իրականացնող մարմինները, բացառությամբ հարկային և մաքսային մարմինների, Հայաստանի Հանրապետության տնտեսական մրցակցության պաշտպանության պետական հանձնաժողովի, Հայաստանի Հանրապետության ազգային վիճակագրական ծառայության, ինչպես նաև Հայաստանի Հանրապետության պետական բյուջեի կատարման ուղղությամբ տարվող աշխատանքների` ներառյալ պետական պատվերի տեղադրման (գնումների գործընթացի) ճշտության և օրինականության նկատմամբ հսկողություն իրականացնող մարմնի, պետք է մշակեն և ՀՀ կառավարության հաստատմանը ներկայացնեն իրենց ոլորտի ստուգաթերթերը և ստուգումներ իրականացնեն բացառապես ստուգաթերթերի հիման վրա:

Օգտակար նյութեր

1. Ռիսկի վրա հիմնված մեթոդաբանության կազմման մեթոդական ուղեցույց
2. Ստուգաթերթերի կազմման մեթոդական ուղեցույց

Հաստատված փաստաթղթեր

1. Ստուգող մարմինների կողմից հրապարակման ենթակա տարեկան հաշվետվության օրինակելի ձևը (ՀՀ ԿՈ 1905-Ն, 29.12.2011թ.);
2. Այն կազմակերպությունների ցանկը, որոնցում բացառության կարգով ստուգումների կարող են իրականացվել 6 ամիսը մեկ անգամ (ՀՀ ԿՈ 1925-Ն, 29.12.2011թ.);
3. Հարկային մարմնի գործունեության շրջանակներում ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը (ՀՀ ԿՈ 1636-Ն, 10.11.2011թ.);
4. ՀՀ ֆինանսների նախարարության աշխատակազմի լիցենզավորման պայմանների և պահանջների հսկողության տեսչության կողմից իրականացվող ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը (ՀՀ ԿՈ 1636-Ն, 10.11.2011թ.);
5. ՀՀ ֆինանսների նախարարության աշխատակազմի լիցենզավորման պայմանների և պահանջների հսկողության տեսչության կողմից իրականացվող վիճակախաղերի, շահումով խաղերի և խաղատների լիցենզավորման պայմանների ու պահանջների կատարման ստուգաթերթերը (ՀՀ ԿՈ 18-Ն, 12.01.2012թ.);
6. ՀՀ ֆինանսների նախարարության աշխատակազմի ֆինանսական վերահսկողության տեսչության կողմից իրականացվող ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը (ՀՀ ԿՈ 207-Ն, 23.02.2012թ.);
7. ՀՀ տնտեսական մրցակցության պաշտպանության պետական հանձնաժողովի կողմից իրականացվող ռիսկի վրա հիմնված ստուգումների մեթոդաբանությունը և ռիսկայնությունը որոշող չափանիշների ընդհանուր նկարագիրը (ՀՀ ԿՈ 337-Ն, 22.03.2012թ.);

Տեսչական բարեփոխումների ուղղությամբ աշխատանքներն իրականացնում է ՀՀ էկոնոմիկայի նախարարության ներքո գործող տեսչական բարեփոխումների համակարգման խորհրդի քարտուղարությունը, հեռ` 59-71-26, էլ. հասցե` inspectionreform@mineconomy.am: