Հայաստանի Հանրապետության մաքսային օրենսգրքի 49-րդ հոդվածի համաձայն, ապրանքների վերամշակումից հետո ստացվելիք արդյունքի, ինչպես նաև վերամշակումից հետո գոյացած թափոնների և մնացորդների նվազագույն քանակությունը սահմանում է Հայաստանի Հանրապետության կառավարության լիազորած մարմինը` Հայաստանի Հանրապետության կառավարության սահմանած կարգով:

Հայաստանի Հանրապետության կառավարության 2001 թվականի մարտի 27-ի N239 որոշման համաձայն, Հայաստանի Հանրապետության Էկոնոմիկայի նախարարությունը հայտարարատուի ներկայացրած հաշվարկի հիման վրա, 3-օրյա ժամկետում տալիս է եզրակացություն: «Ժամանակավոր արտահանում` վերամշակման համար» ռեժիմով արտահանված ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների և մնացորդների նվազագույն քանակության հաշվարկի վերաբերյալ եզրակացություն ստանալու համար հայտարարատուն Հայաստանի Հանրապետության Էկոնոմիկայի նախարարություն է ներկայացնում հետևյալ փաստաթղթերը`

• դիմում,
• պայմանագրի պատճենը,
• «Ժամանակավոր արտահանում` վերամշակման համար» ռեժիմով արտահանված ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների և մնացորդների նվազագույն քանակության հաշվարկը:

«Ժամանակավոր արտահանում` վերամշակման համար» մաքսային ռեժիմով արտահանված ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների և մնացորդների նվազագույն քանակությունը հաշվարկվում է հետևյալ եղանակներից որևէ մեկով.

1. Արտադրողի և պատվիրատուի միջև կնքված պայմանագրով որոշված վերամշակման արդյունքի, ինչպես նաև վերամշակումից գոյացած թափոնների և մնացորդների նվազագույն քանակությամբ:
2. Արտադրողի կողմից հաստատված վերամշակման արդյունքի, ինչպես նաև վերամշակումից հետո գոյացած թափոնների և մնացորդների նվազագույն քանակությամբ:
3. Պատվիրատուի կողմից հաստատված վերամշակման արդյունքի, ինչպես նաև վերամշակումից հետո գոյացած թափոնների և մնացորդների նվազագույն քանակությամբ:

2010-2011թ.թ. ընթացքում շուրջ 96 հայտարարատուների կողմից ներկայացված դիմումների հիման վրա տրամադրվել է «ժամանակավոր ներմուծում (արտահանում)` վերամշակման համար» ռեժիմով ներմուծված (արտահանված) ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների և մնացորդների նվազագույն քանակության վերաբերյալ 1390 եզրակացություն:

Ոլորտը կարգավորող օրենսդրությունը տես Փաստաթղթեր բաժնում: