Հայաստանի Հանրապետության էկոնոմիկայի նախարարությունն իրավահաջորդն է Հայաստանի Հանրապետության էկոնոմիկայի պետական կոմիտեի, որը ձևավորվել է 1990 թվականին` Հայաստանի Խորհրդային Սոցիալիստական Հանրապետության Պետական պլանային կոմիտեի վերակազմավորման արդյունքում:

1997 թվականին, ՀՀ նախագահի` «ՀՀ կառավարության կառուցվածքում փոփոխություններ կատարելու մասին» հունիսի 10-ի ՆՄ-747 հրամանագրով, ՀՀ առևտրի, սպասարկումների և զբոսաշրջության, ՀՀ արդյունաբերության և ՀՀ էկոնոմիկայի նախարարությունների միաձուլման արդյունքում կազմավորվեց ՀՀ արդյունաբերության և առևտրի նախարարությունը:

2002 թվականին, ՀՀ Նախագահի մարտի 16-ի NN 1063 և 1064 հրամանագրերով, ՀՀ արդյունաբերության և առևտրի նախարարությունը վերակազմավորվեց և վերանվանվեց ՀՀ առևտրի և տնտեսական զարգացման նախարարության:

2008 թվականի ապրիլի 21-ին, ՀՀ Նախագահի հրամանագրով, ՀՀ առևտրի և տնտեսական զարգացման նախարարությունը վերանվանվեց ՀՀ Էկոնոմիկայի նախարարության: Այսպիսով` նախարարությունը վերականգնեց իր նախկին անվանումը:

Հայաստանի Հանրապետության էկոնոմիկայի նախարարության կառուցվածքում ընդգրկված են 19 կառուցվածքային և 4 առանձնացված ստորաբաժանումներ:Նախարարության համակարգում գործում է 4 պետական կազմակերպություն և ընկերություն:

Մեր նախարարները`

 ՀՀ Էկոնոմիկայի նախարարները`