Ներդրումային ծրագրի անձնագիր

ՀՀ էկոնոմիկայի նախարարության կողմից USAID «EDMC» ծրագրի աջակցությամբ մշակվել է ներդրումային ծրագրի անձնագրի (investment project teaser) օրինակելի ձև, որը հնարավորություն կտա.

1. Մասնավոր հատվածի ներկայացուցիչներին` հակիրճ և պրոֆեսիոնալ ձևով պոտենցիալ ներդրողին, ռազմավարական գործընկերոջը ներկայացնել հիմնական գործարար գաղափարը, որը պահանջում է որոշակի աջակցություն:

2. Պետությանը` հավաքագրել ՀՀ-ում առկա բոլոր ներդրումային ծրագրերը մեկ ընդհանուր ձևանմուշով` հետագայում օտարերկրյա ներդրողներին ներկայացնելու, ինչպես նաև ՀՀ էկոնոմիկայի նախարարության պաշտոնական կայքում տեղադրելու նպատակով:

Ընդհանուր առմամբ, ներդրումային ծրագրի անձնագիրը փաստաթուղթ է պարզ լրացնելու տեսանկյունից, բայց այնուամենայնիվ շատ կարևոր, քանի որ հանդիսանում է յուրօրինակ “ֆիլտր” օտարերկրյա ներդրողի համար: Ներդրումային ծրագրի անձնագիրը առաջին փաստաթուղթն է, որին ծանոթանալով ներդրողի մոտ պետք է հետաքրքրվածություն առաջանա ներդրումային ծարգիրն ամբողջությամբ ուսումնասիրելու և հետագայում այդ ծրագրին ինչ-որ չափավ աջակցելու/մասնակցելու համար:

Ներդրողը պետք է ստանա ընդհանուր տեղեկատվություն ներդրումային ծրագրի և ծրագրի հեղինակի մասին, ստանա արտադրանքի/ծառայության առանձնահատկությունների, մրցակցային առավելությունների վերաբերյալ տեղեկատվություն, ծանոթանա ծրագրի ֆինանսատնտեսական ցուցանիշներին և հասկանա ծրագրին մասնակցելու իր օգուտը:

Այս պարագայում ՀՀ էկոնոմիկայի նախարարությունը հանդիսանում է կապող օղակ հետաքրքիր ու մրցունակ ծրագրեր ունեցող, սակայն որևէ ձևով օտարերկրյա ներդրողի աջակցություն պահանջող հայկական գործարար համայնքի և օտարերկրյա ներդրողների միջև: Մենք պատրաստ ենք աջակցություն ցուցաբերել ներդրումային ծրագրի անձնագիրն լրացնելու, անհրաժեշտության դեպքում անգլերեն թարգմանությունն ապահովելու և այն տարբեր կապուղիներով օտարերկրյա ներդրողին փոխանցելու փուլերում: Ի դեպ ներդրումային ծրագրի անձնագրի օրինակելի ձևը և լրացված անձնագրերը տեղադրված են ՀՀ էկոնոմիկայի նախարարության պաշտոնական կայք-էջում` «Ներդրումային քաղաքականություն» բաժնում: Տեղեկատվությունն անընդհատ թարմացվում է և հասանելի է նաև անգլերեն լեզվով:

Ներդրումային ծրագրի անձնագիր

Հյուրանոցային համալիրի կառուցման ներդրումային ծրագրի անձնագիր 

«Մագնեզիումի արտադրության նոր տեխնոլոգիաներ» ներդրումային ծրագրի անձնագիր

"Armtopinambour" ներդրումային ծրագրի անձնագիր

Եղեգնաձորի պահածոների գործարանի ներդրումային ծրագրի անձնագիր

Հացահատիկային մշակաբույսերի ներդրումային ծրագրի անձնագիր

Մրգերի և բանջարեղենի չորացման կոոպերատիվ հիմնելու ներդրումային ծրագրի անձնագիր

Տրակտորների արտադրության ներդրումային ծրագրի անձնագիր