Հունվարի 17-ին ՀՀ էկոնոմիկայի նախարարությունում կայացած ՓՄՁ ԶԱԿ հոգաբարձուների խորհրդի նիստում Վարազդատ Կարապետյանը նշանակվեց ՓՄՁ ԶԱԿ-ի գործադիր տնօրեն:

Հունվարի 17-ին ՀՀ էկոնոմիկայի նախարարությունում տեղի ունեցավ ՓՄՁ ԶԱԿ հոգաբարձուների խորհրդի հերթական նիստը, որը վարեց խորհրդի նախագահ, ՀՀ էկոնոմիկայի նախարար Տիգրան Դավթյանը: Տիգրան Դավթյանն առաջարկեց քննարկել ՓՄՁ ԶԱԿ գործադիր տնօրենի թափուր պաշտոնում ՀՀ վարչապետի խորհրդական Վարազդատ Կարապետյանին նշանակելու և էկոնոմիկայի նախարարի նորանշանակ տեղակալ Տիգրան Հարությունյանին, ով մինչ փոխնախարարի պաշտոնում նշանակվելը եղել է ՓՄՁ ԶԱԿ գործադիր տնօրեն, ՓՄՁ ԶԱԿ հոգաբարձուների խորհրդի անդամ ընտրելու հարցերը: Երկու առաջարկություններն էլ ՓՄՁ ԶԱԿ հոգաբարձուների խորհրդի անդամների կողմից ընդունվեցին միաձայն: