Հունվարի 27-ին ՀՀ էկոնոմիկայի նախարարությունում տեղի ունեցավ մասնավոր նախաձեռնությամբ ազատ տնտեսական գոտի ստեղծելու համար ներկայացված հայտը գնահատող և ազատ տնտեսական գոտում շահագործողներին թույլտվություն տրամադրող, մշտապես գործող միջգերատեսչական հանձնաժողովի հերթական նիստը:

Նիստը վարեց հանձնաժողովի նախագահ, էկոնոմիկայի նախարար Տիգրան Դավթյանը: Նիստի ընթացքում հանձնաժողովի անդամները քննարկեցին մասնավոր նախաձեռնությամբ ազատ տնտեսական գոտի ստեղծելու և դրա կազմակերպիչ ճանաչվելու համար «Սիտրոնիքս Արմենիա» ՓԲԸ կողմից ներկայացված հայտը:

Ամփոփելով հայտի վերաբերյալ հանձնաժողովի անդամների գնահատականները` հանձնաժողովը հավանություն տվեց «Սիտրոնիքս Արմենիա» փակ բաժնետիրական ընկերության` «ՌԱՕ ՄԱՐՍ» ՓԲԸ և «ԵրՄՄԳՀԻ» ՓԲԸ տարածքներում ազատ տնտեսական գոտի ստեղծելու առաջարկին:

«Սիտրոնիքս Արմենիա» ՓԲԸ առաջարկի վերաբերյալ հանձնաժողովի դրական եզրակացությունը կներկայացվի ՀՀ կառավարության քննարկմանը: