Հայաստանի տեղեկատվական տեխնոլոգիաների ոլորտը

Պատմականորեն Հայաստանը զբաղեցրել է առաջատար դիրք բարձր տեխնոլոգիաների հետազոտության, մշակումների և արտադրության ոլորտում: 1950-ականների սկզբից Խորհրդային Հայաստանը եղել է ԽՍՀՄ գիտական և գիտահետազոտական գործունեության հիմնական կենտրոնը տեխնոլոգիական ոլորտի մի շարք կարևորագույն սեգմենտներում` հզոր ԷՀՄ-ներ, արդյունաբերական հաշվարկում, էլեկտրոնիկա, կիսահաղորդիչներ, ծրագրային ապահովման մշակում և այլն:

Հայաստանն առանձնանում է լուրջ նվաճումներով հատկապես կիսահաղորդիչների նախագծման ծրագրերի և դրան առնչվող մտավոր սեփականություն հանդիսացող լուծումների ստեղծման բնագավառում: Վերջին տարիներին տեղական ոլորտը արձանագրել է արտասահմանյան ներդրողների խոշոր ներհոսք, որոնք մուտք են գործել հայկական շուկա տեղի բարձրակարգ երիտասարդ կադրերի շնորհիվ, որոնք մասնագիտացած են հիմնականում հետևյալ ոլորտներում` ներկառուցված ծրագրային ապահովում և կիսահաղորդիչների նախագծում, ծրագրային ապահովման պատվերներ և արտապատվիրում, ֆինանսական ծրագրեր, մուլտիմեդիա նախագծում, ինտերնետային ծրագրավորում, վեբ ծրագրավորում, տեղեկատվական համակարգեր և համակարգերի ինտեգրում:

Տեղեկատվական տեխնոլոգիաների ոլորտում Հայաստանը իր հարևան ԱՊՀ և Մերձավոր Արևելքի երկրների շարքում համարվում է առաջատար երկրներից մեկը: Դրա հիմքը ստեղծվել էր թերևս այն ժամանակ, երբ Խորհրդային Հայաստանը դարձավ նախկին ԽՍՀՄ գիտական, գիտահետազոտական և բարձր տեխնոլոգիաներ արտադրող հիմնական հանգույցը: Աճի ամենաբարձր ցուցանիշները գրանցվել էին 1987թ., երբ ըստ տարբեր հաշվարկների Հայաստանի գիտական և տեխնոլոգիական ոլորտում աշխատում էին շուրջ 100000 մասնագետներ:

Այսօր ՏՏ ոլորտը Հայաստանի տնտեսության ամենաարագ զարգացող ու խոստումնալից ճյուղերից է: Անցյալի հաջողությունները, բարձրակարգ մասնագետներն ու հայկական ձեռնարկատիրական ոգին ոլորտի հետագա զարգացման լուրջ հեռանկարներ են երաշխավորում:

ՏՏ ոլորտի հիմնական ցուցանիշները

• ոլորտում ակտիվ աշխատում են ավելի քան 300 ընկերություններ, որոնցից 72-ը արտասահմանյան ընկերությունների մասնաճյուղեր են,
• ոլորտում զբաղվածների ընդհանուր թիվը կազմում է մոտ 5500 մարդ,
• ՀՆԱ-ում ՏՏ ոլորտի բաժինը կազմում է 1.7%,
• ոլորտի ընդհանուր շրջանառությունը կազմում է 205 մլն ԱՄՆ դոլար, որից 120 մլն-ը արտահանվում է,
• ծրագրավորողների համախառն տարեկան աշխատավարձը կազմում է 5.280-14.520 մլն ԱՄՆ դոլար,
• արտադրության ծավալը տարեկան աճում է շուրջ 30%-ով:

Հայաստանի ՏՏ ոլորտ (2010թ.)

ՏՏ ոլորտի վերլուծություն

ՏՏ ոլորտում իրականացվող ծրագրեր

1. Գյումրու տեխնոպարկ
2. Համակարգիչ բոլորի համար
   

Հիմնական գործընկերներ

Հայաստանի Հանրապետությունում տեղեկատվական տեխնոլոգիաների ոլորտի քաղաքականության ուղղությամբ աշխատանքներն իրականացնում է ՀՀ էկոնոմիկայի նախարարության աշխատակազմի տեղեկատվական տեխնոլոգիաների և ինովացիոն քաղաքականության վարչության տեղեկատվական տեխնոլոգիաների բաժինը, հեռ` 59-71-40: