Քաղաքացիների ընդունելություն
Թափուր աշխատատեղեր
Հայտարարություններ
Հաշվետվություններ/ Զեկույցներ
Ռազմավարություններ/ Հայեցակարգեր
Աշխատանք
Մտավոր սեփականության գործակալության գյուտերի և օգտակար մոդելների բաժնի գլխավոր մասնագետ-փորձագետ (ծածկագիր՝ 37-2.3-31)
Օրենսդրությամբ սահմանված կարգով անցկացնում է Միջազգային արտոնագրային դասակարգման A, B, C բաժինների համապատասխան գյուտերի և օգտակար մոդելների հայտերով նախնական փորձաքննություն, որի ընթացքում ստուգում է հայտի անհրաժեշտ և սահմանված պահանջներին համապատասխան ձևակերպված փաստաթղթերի առկայությունը, պարզում ներկայացված գյուտի համապատասխանությունը միասնության ու արտոնագրաունակության պահանջներին, հասարակության շահերին, մարդասիրության ու բարոյականության սկզբունքներին, որոշում գյուտի առաջնության թվականը և, անհրաժեշտության դեպքում, կազմում և հայտատուներին է ուղարկում հարցումներ, ինչպես նաև նախապատրաստում և Բաժնի պետին է ներկայացնում արտոնագիր տալու և հայտը հրապարակելու մասին նախագիծը, պաշտոնական հրապարակման ենթակա նյութերը։ Արտոնագրաունակության մասին ապացույցների հիման վրա նախապատրաստում և Բաժնի պետին է ներկայացնում արտոնագրաունակության մասին եզրակացությունը, որը ենթակա է հրապարակման։ Հաշվառում է իր վարմանը հանձնված հայտերով վճարված պետական տուրքերը և անհամապատասխանությունների բացահայտման դեպքում հարցում է ուղարկում հայտատուներին: ՀՀ մասնակցությամբ միջազգային պայմանագրերի շրջանակներում ներկայացված հայտերով կատարում է նախնական փորձաքննություն և ձևակերպում համապատասխան միջազգային մարմին ուղարկվող նյութերի փաթեթները:
Նշված թափուր պաշտոնն զբաղեցնելու համար պահանջվում է ՝
* բարձրագույն կրթություն` կենսաբանություն կամ քիմիա մասնագիտությամբ, կամ քիմիական տեխնոլոգիա մասնագիտությունների գծով,
* սույն պաշտոնի անձնագրի 10-րդ կետի “ա” ենթակետում նշված համապատասխան աշխատանքային ստաժ (տե՛ս սույն հայտարարության 9.1 ենթակետին հաջորդող պարբերությունը),
* սույն պաշտոնի անձնագրի 10-րդ կետի “բ” ենթակետում նշված իր լիազորությունների հետ կապված իրավական ակտերի անհրաժեշտ իմացություն,
* գյուտերին, օգտակար մոդելների հիմնապաշարում տեղադրված, ինչպես նաև Եվրասիական արտոնագրային գերատեսչության, Եվրոպական արտոնագրային գերատեսչության և Մտավոր սեփականության համաշխարհային կազմակերպության ինտերնետային կայքերում պարունակող գյուտերին, օգտակար մոդելներին վերաբերող տեղեկատվության տիրապետում,
* Microsoft Office ծրագրերով, ինտերնետով, էլեկտրոնային փոստով աշխատելու ունակություն,
* ռուսերենի (ազատ) և անգլերենի (կարդում և կարող է բացատրվել) տիրապետում:
Մրցույթը կկայանա 23.05.2012թ.` ժամը 10:00-ին, Քաղաքացիական ծառայության խորհրդի շենքում (ք. Երևան, Տերյան 89):
Եվրամիության հետ համագործակցության վարչության Խոր և համապարփակ ազատ առևտրի համաձայնագրի և Առևտրի համաշխարհային կազմակերպության բաժնի գլխավոր մասնագետ (ծածկագիր՝ 37-2.3-93)
Մասնակցում է Եվրամիություն-Հայաստան Խոր և համապարփակ ազատ առևտրի համաձայնագրի (այսուհետ` ԽՀԱԱՀ) բանակցային գործընթացին: Իրականացնում է ԽՀԱԱՀ բանակցային գործընթացի ընթացքում իրականացվող աշխատանքների` Առևտրի համաշխարհային կազմակերպության (այսուհետ` ԱՀԿ) համաձայնագրերի դրույթներին և ՀՀ ստանձնած պարտավորություններին համապատասխանեցման ապահովման աշխատանքները: Մասնակցում է ԽՀԱԱՀ բանակցային գործընթացի շրջանակներում ձևավորված աշխատանքային խմբերի համակարգմանը: Իրականացնում է ԽՀԱԱՀ-ի լուսաբանման վերաբերյալ նյութերի պատրաստման և ԽՀԱԱՀ-ի վերաբերյալ իրազեկության բարձրացման աշխատանքները: Իրականացնում է բանակցային գործընթացի վերաբերյալ կիսամյակային և տարեկան հաշվետվությունների պատրաստումը: Իրականացնում է ԽՀԱԱՀ բանակցային գործընթացի շրջանակներում Եվրոպական Հանձնաժողովի համապատասխան կառույցների հետ կապի ապահովման աշխատանքները: Իրականացնում է ՀՀ առևտրատնտեսական հարաբերությունները կարգավորող օրենսդրական դաշտի` ԵՄ դիրեկտիվների և ԱՀԿ համաձայնագրերի դրույթներին համապատասխանեցման աշխատանքները: Իրականացնում է ԱՀԿ անդամակցությամբ ՀՀ ստանձնած պարտավորությունների կատարման աշխատանքները:
Նշված թափուր պաշտոնն զբաղեցնելու համար պահանջվում է`
* բարձրագույն կրթություն` միջազգային հարաբերություններ կամ քաղաքագիտություն, կամ իրավագիտություն մասնագիտությամբ, կամ տնտեսագիտություն (էկոնոմիկա) և կառավարում (մենեջմենթ) մասնագիտությունների գծով,
* սույն պաշտոնի անձնագրի 10-րդ կետի “ա” ենթակետում նշված համապատասխան աշխատանքային ստաժ (տե՛ս սույն հայտարարության 9.1 ենթակետին հաջորդող պարբերությունը),
* սույն պաշտոնի անձնագրի 10-րդ կետի “բ” ենթակետում նշված իր լիազորությունների հետ կապված իրավական ակտերի անհրաժեշտ իմացություն,
* Եվրամիության ինտեգրման բնագավառում իրականացվող պետական քաղաքականությանը և գործընթացներին, ԵՄ կառույցներին, նրանց գործառույթներին և աշխատակարգերին վերաբերող անհրաժեշտ տեղեկատվության տիրապետում,
* MS Office համակարգչային ծրագրերի փաթեթով, ինտերնետով, էլեկտրոնային փոստով աշխատելու ունակություն,
* ռուսերենի և անգլերենի ազատ տիրապետում:
Մրցույթը կկայանա 24.05.2012թ.` ժամը 14:15-ին, Քաղաքացիական ծառայության խորհրդի շենքում (ք. Երևան, Տերյան 89):
