Տիգրան Խաչատրյանը մասնակցել է «Մրցակցության խթանում և մրցունակ շուկաների ստեղծում Հայաստանում» թեմայով համաժողովին

05 Հունիսի, 2019

ՀՀ էկոնոմիկայի նախարարության և Համաշխարհային բանկի երևանյան գրասենյակի նախաձեռնությամբ, հունիսի 4-ին Երևանում կայացել է «Մրցակցության խթանում և մրցունակ շուկաների ստեղծում Հայաստանում» թեմայով համաժողովը։

Համաժողովին ողջույնի խոսքով հանդես են եկել ՀՀ Էկոնոմիկայի նախարար Տիգրան Խաչատրյանը և Համաշխարհային բանկի խմբի Հայաստանի գրասենյակի ղեկավար Սիլվի Բոսութղոն։

Միջոցառմանը մասնակցել են մի շարք օտարերկրա փորձագետներ, ինչպես նաև ՀՀ կառավարության, ՀՀ էկոնոմիկայի նախարարության, ՀՀ ֆինանսների նախարարության, ՀՀ տնտեսական մրցակցության պաշտպանության պետական հանձնաժողովի, ՀՀ հանրային ծառայությունները կարգավորող հանձնաժողովի, ՀՀ կենտրոնական բանկի, Արժույթի միջազգային հիմնադրամի (IMF) հայաստանյան ներկայացուցչության, Հայաստանում Եվրոպական միության պատվիրակության ներկայացուցիչները։

Համաժողովի նպատակն էր երկխոսություն ծավալել՝ համատեղ քննարկելով այն գործողությունները, որոնք կարող են նպաստել Հայաստանում մրցակցության ու շուկայի մրցունակության խթանմանը։ Դրանք, մասնավորապես, հետևյալն են․

* ապահովել ոլորտային պետական կառույցների միջև մասնագիտական փորձի փոխանակում՝ հիմնված այդ ոլորտներում հաջողությամբ բարեփոխումներ իրականացրած երկրների միջազգային փորձի վրա.

* Հայաստանում մրցակցային մթնոլորտի հետևողական բարելավման նպատակով մատնանշել այն հիմնական բարեփոխումները, որոնք պետք է իրականացվեն.

* հստակեցնել մրցակցության բարելավման ուղղությամբ կարճաժամկետ և միջնաժամկետ ժամանակահատվածում ՀՀ կառավարության և Համաշխարհային բանկի խմբի միջև համագործակցության հնարավոր ուղղությունները.

* խթանել գերատեսչությունների միջև երկխոսությունը, ինչպես նաև մրցակցության ոլորտում համապատասխան իրավասությամբ օժտված՝ քաղաքականություն մշակող և կիրառող մարմինների միջև տեղեկատվության փոխանակումը, ինչը կարող է կարևոր նշանակություն ունենալ մրցակցության ոլորտում իրականացվելիք բարեփոխումների համար:

Համաժողովի շրջանակում քննարկվել են տնտեսության տարբեր ոլորտներում մրցակցությունը սահմանափակող գործոնների վերացմանն ուղղված միջոցառումները, այդ թվում՝ մրցակցությանը խոչընդոտող կարգավորիչ արգելապատնեշների վերացումը, խաղի հավասար կանոններ ապահովելու նպատակով՝ պետական աջակցության նկատմամբ արդյունավետ հսկողության իրականացումը, ինչպես նաև մրցակցության ազգային քաղաքականության մշակումը և իրականացումը:

Համաժողովի ավարտին արձանագրվել է Հայաստանի Հանրապետության և Համաշխարհային բանկի միջև հետագա համագործակցության անհրաժեշտությունը՝ Հայաստանի մրցակցային դաշտի բարելավման նպատակով։

ԵՄ արտահանում ԵՄ «GSP+» REX միջոցով

Ներդրողների աջակցության «մեկ պատուհան»

Սպանդանոցի կառուցման փուլերն ու անհրաժեշտ քայլերը

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ

(+374 11) 542 503, (+374 11) 297 428

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00