Քննարկվել են ՀՀ բնական կերհանդակների տեղեկատվական համակարգի մշակման իրագործելիության ու հնարավոր կառուցվածքի ուսումնասիրության արդյունքները

17 Սեպտեմբերի, 2019

Այսօր տեղի է ունեցել ՀՀ բնական կերհանդակների (արոտավայրերի և խոտհարքների) տեղեկատվական համակարգի մշակման իրագործելիության և հնարավոր կառուցվածքի ուսումնասիրության արդյունքների քննարկմանը նվիրված աշխատաժողով, որին մասնակցել են նաև ՀՀ էկոնոմիկայի նախարարի տեղակալ Տիգրան Գաբրիելյանը, պետական այլ մարմինների, ոլորտում գործող միջազգային, հասարակական և գիտական հաստատությունների ներկայացուցիչները:

Աշխատաժողովը կազմակերպվել է «Ռազմավարական զարգացման գործակալության» ՀԿ-ի, Գերմանիայի միջազգային համագործակցության ընկերության (GIZ) և Համաշխարհային բանկի աջակցությամբ իրականացվող CARMAC II ծրագրի համատեղ նախաձեռնությամբ:

Միջոցառման սկզբում փոխնախարար Տիգրան Գաբրիելյանը հանդես է եկել ողջույնի խոսքով, որում մասնավորապես նշել է. «Հաշվի առնելով այն հանգամանքը, որ մեր հանրապետությունում հիմնականում կիրառվում է գյուղատնտեսական կենդանիների արոտամսուրային պահվածք, իսկ արոտային շրջանում կենդանիների հիմնական կերը արոտականաչն է, ապա հանրապետության բնական կերհանդակների օգտագործման ծավալների բուսածածկի վիճակի և սննդարարության ամբողջական վերլուծության հիման վրա մշակված արոտավայրերի և խոտհարքների կայուն կառավարման համակարգի կիրառումը ոլորտի համար ունի կենսական նշանակություն»: 

Իր խոսքում Տիգրան Գաբրիելյանը նաև հույս է հայտնել, որ գործընկեր կազմակերպությունների աջակցությամբ իրականացվող Հայաստանի Հանրապետությունում բնական կերահանդակների կայուն կառավարմանն ուղղված ծրագրի համակարգման հարթակի գործարկումը կնպաստի համայնքամերձ արոտավայրերի ծանրաբեռնվածության թեթևացմանը և այդ հողերի դեգրադացման կանխմանը, ենթակառուցվածքների զարգացման միջոցով հեռագնա արոտավայրերի և խոտհարքների օգտագործման մատչելիությանը և հասանելիության ապահովմանը, դրանց բարելավմանն ուղղված միջոցառումների արդյունավետ իրականացմանը, խոտհարքների և արոտավայրերի` ըստ ծանրաբեռնվածության և հերթափոխով օգտագործման միջոցով անասբաբուծության ճյուղի շահութաբերության մակարդակի բարձրացմանը:

Բնական կերհանդակների տեղեկատվական համակարգի իրագործելիության և հնարավոր կառուցվածքի ուսումնասիրության մեջ դիտարկվում են տվյալ համակարգի ստեղծման իրատեսական հիմքերը, հնարավորությունները, ժամկետները, բյուջեն և ճանապարհային քարտեզը:

Աշխատաժողովի ընթացքում տեղի ունեցած քննարկման արդյունքները կներկայացվեն շահագրգիռ կողմերին և համապատասխան դիտարկումները հաշվի կառնվեն արդյունքների վերջնական ձևակերպման և հետագա քայլերի պլանավորման ընթացքում: 

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00