ԱՀԿ քարտուղարությունում ներկայացվել է ՀՀ-ԵՄ Համապարփակ և ընդլայնված գործընկերության համաձայնագրի՝ Ծառայությունների առևտրին առնչվող փաստաթուղթը
Առևտրի համաշխարհային կազմակերպության (ԱՀԿ) քարտուղարության Տարածաշրջանային առևտրային համաձայնագրերի կոմիտեի 97-րդ լիագումար նիստի շրջանակներում սեպտեմբերի 22-ին կայացել է ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ)՝ Ծառայությունների առևտրին առնչվող «Փաստացի ներկայացում» փաստաթղթի քննարկումը:
Փաստաթուղթը պատրաստվել է ԱՀԿ քարտուղարության կողմից, ԱՀԿ ընթացակարգերի համաձայն՝ հայկական և եվրոպական կողմերի ակտիվ մասնակցության և համագործակցության շնորհիվ։
Փաստաթուղթը ներառում է ՀԸԳՀ ծառայությունների առևտրի մասի վերաբերյալ համապարփակ տեղեկատվություն և նպատակ ունի ապահովելու ՀԸԳՀ-ի՝ որպես առևտրի տարածաշրջանային համաձայնագրի թափանցիկությունը։
Նիստը, որին մասնակցել են ԱՀԿ անդամ երկրների ներկայացուցիչներ, ԱՀԿ քարտուղարության համապատասխան պաշտոնյաներ, ՀՀ և ԵՄ կողմի ներկայացուցիչներ, անցկացվել է տեսակապի միջոցով։
Նիստին հայկական կողմից մասնակցել է Հայաստանի Հանրապետության էկոնոմիկայի նախարարի տեղակալ Վարոս Սիմոնյանը։ Նա հանդես է եկել համապատասխան զեկույցով։
«Փաստացի ներկայացում» փաստաթղթի ներկայացման և քննարկման ընթացքում ելույթ են ունեցել ԱՀԿ մի շարք անդամ երկրների ներկայացուցիչներ, որոնք բարձր են գնահատել կատարված աշխատանքը և ներկայացված փաստաթուղթը։ Վերջիններս նաև շնորհակալություն են հայտնել հայկական և եվրոպական կողմերին՝ ներկայացված հարցադրումներին տրված պատասխանների համար։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
(+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 530 333, (+374 11) 597 411, (+374 11) 597 254, (+374 11) 297 428, (+374 11) 529 231
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`