Գևորգ Պապոյանը Ռիադում հանդիպել է Սևծովյան տնտեսական համագործակցության կազմակերպության (BSEC) գլխավոր քարտուղար Լազար Կոմանեսկուի հետ
ՀՀ էկոնոմիկայի նախարար Գևորգ Պապոյանը Սաուդյան Արաբիայի մայրաքաղաք Ռիադում հանդիպել է Սևծովյան տնտեսական համագործակցության կազմակերպության (BSEC) գլխավոր քարտուղար Լազար Կոմանեսկուի հետ։
Հանդիպմանը մասնակցել է նաև ՀՀ էկոնոմիկայի նախարարության զբոսաշրջության կոմիտեի նախագահ Լուսինե Գևորգյանը։
«Հայաստանը մեծապես կարևորում է Սևծովյան տնտեսական համագործակցության կազմակերպության շրջանակներում համագործակցությունը և բարձր է գնահատում ՍԾՏՀԿ-ի առանցքային դերը՝ տարածաշրջանային երկխոսության, տնտեսական փոխգործակցության և անդամ պետությունների միջև գործընկերության խթանման գործում», -նշել է Գևորգ Պապոյանը։
Նախարարը բարձր է գնահատել ՍԾՏՀԿ-ի մշտական միջազգային քարտուղարության դերը՝ շարունակական և կառուցողական աջակցության գործում, ինչպես նաև 2025–2026 թվականների Գործողությունների պլանի ձևավորման գործընթացում։
Գևորգ Պապոյանը ներկայացրել է նաև TRIPP («Թրամփի ուղի՝ հանուն միջազգային խաղաղության և բարգավաճման») և «Խաղաղության խաչմերուկ» ծրագրերը՝ որպես տարածաշրջանային տնտեսական փոխկապակցվածության ապահովման և խաղաղության կայունացման կարևոր երաշխիքներ։ Նա նշել է, որ ծրագրերը նաև կարող են ծառայել որպես արդյունավետ հարթակ Սևծովյան երկրների միջև համագործակցության խորացման համար։
Հանդիպման ընթացքում քննարկվել են տարածաշրջանային տնտեսական համագործակցության խորացման, առևտրի և ներդրումների խթանման, զբոսաշրջության զարգացման, ինչպես նաև այլ ուղղություններով կապերի ընդլայնմանը վերաբերող հարցեր։
- ԳՈՐԾԱՐԱՐ ՄԻՋԱՎԱՅՐ
- (+374 11) 597 539
- ԶԲՈՍԱՇՐՋՈՒԹՅՈՒՆ
- (+374 11) 597 157
- ՈՐԱԿԻ ԵՆԹԱԿԱՌՈՒՑՎԱԾՔՆԵՐ
- (+374 11) 597 167
- ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
- (+374 11) 597 166
- ԳՅՈՒՂՈԼՈՐՏԻ ՊԵՏԱԿԱՆ ՕԺԱՆԴԱԿՈՒԹՅԱՆ ԾՐԱԳՐԵՐ
- (+374 11) 597 254
* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00
Հասցե`
0010 ք.Երևան, Մ.Մկրտչյան 5
Հեռախոս`
(+374 11) 597 205
Ֆաքս`