կառավարության 2024 թվականի նոյեմբերի 28-ի N 1876-Ն որոշման մեջ լրացումներ կատարելու մասին» որոշման նախագիծը, որով 2025 թվականի դեկտեմբերի 31-ի դրությամբ, պաշտոնական ներկայացուցիչների կողմից չներմուծված և չսպառված քանակի չափով կիրականացվի վճարված ներմուծման մաքսատուրքի վերադարձ այն ֆիզիկական անձանց, ինչպես նաև անհատ ձեռնարկատերերին և իրավաբանական անձանց, որոնք N1876-Ն որոշմամբ սահմանված 5000 հատ չափաքանակը սպառվելուց հետո իրականացրել են էլեկտրաշարժիչով շարժիչային տրանսպորտային միջոցների մաքսային ձևակերպում և կատարել են համապատասխան վճարումները:

Արտոնության վերականգնումը չձևակերպված քանակի չափով կիրականացվի ըստ ժամանակագրական սկզբունքի հաջորդականության (սկսած առավել վաղ ձևակերպվածից)՝ մաքսային հայտարարագրի և (կամ) մաքսային մուտքի օրդերի գրանցման օրվա, ժամի, րոպեի հերթականությամբ։

Պետական եկամուտների կոմիտեն 1-ին փուլով մինչև 2026 թվականի հունվարի 10-ը իր պաշտոնական կայքում կհրապարակի այն տրանսպորտային միջոցների ցանկը (նույնացման համար (VIN), մաքսային հայտարարագիր և (կամ) մաքսային մուտքի օրդերի համար, գրանցման օր, ժամ, րոպե), որոնց ներմուծողները կստանան արտոնությունից օգտվելու իրավունք։

Ցանկում ընդգրկված ներմուծողները պետք է մինչև 2026 թվականի հունվարի 31-ը դիմեն այն մաքսային մարմին, որտեղ իրականացվել է մաքսային ձևակերպումը։

Վճարված ներմուծման մաքսատուրքի վերադարձի վերջնաժամկետը սահմանվում է 2026 թվականի հունիսի 30-ը։

2025 թվականի դեկտեմբերի 18-ի ՀՀ կառավարության №1902-Ն որոշում՝ https://www.e-gov.am/gov-decrees/item/45810/