Հոկտեմբերի 17-21-ը Ֆրանսիայի Հանրապետության Փարիզ քաղաքի Paris Nord Villepinte Exhibition Centre ցուցահանդեսային համալիրում կկայանա «𝐒𝐢𝐚𝐥 𝟐𝟎𝟐𝟔» սննդի և խմիչքի միջազգային ցուցահանդեսը։

Այս տարի Հայաստանի Հանրապետությունը ցուցահանդեսին կմասնակցի ազգային տաղավարով՝ արդեն երկրորդ անգամ։

«SIAL Paris»-ը սննդի արդյունաբերության ոլորտի աշխարհի խոշորագույն և հեղինակավոր մասնագիտական հարթակներից մեկն է, որն անց է կացվում յուրաքանչյուր երկու տարին մեկ անգամ՝ համախմբելով շուրջ 8,000 մասնակից ընկերությունների և հարյուր հազարավոր ոլորտային մասնագետների աշխարհի տարբեր երկրներից։

Ցուցահանդեսը հնարավորություն է ընձեռում՝

• ներկայացնել հայկական արտադրանքը միջազգային շուկաներում,

• հաստատել նոր գործարար կապեր և ընդլայնել արտահանման աշխարհագրությունը,

• ծանոթանալ ոլորտի համաշխարհային միտումներին և նորարարական լուծումներին,

• մասնակցել B2B հանդիպումների և մասնագիտական քննարկումների։

Ցուցահանդեսի շրջանակում կազմակերպվում են նաև ոլորտային համաժողովներ, շուկայի վերլուծություններ, ինչպես նաև նորարարական արտադրանքների ներկայացումներ։

Ցուցահանդեսի մանրամասներին և գրանցման պայմաններին կարելի է ծանոթանալ պաշտոնական կայքում` https://www.sialparis.com/?utm_source=chatgpt.com

Մասնակցության պայմաններին կարելի է ծանոթանալ հետևյալ հղումով՝ 

Հավելենք, որ բացի մասնակցության պայմաններում նշված պարտավորություններից, ճանապարհածախսը և կեցության ծախսերը կատարվում են մասնակիցների կողմից։

Միջոցառմանը մասնակցել ցանկացող ընկերությունները կարող են գրանցվել մինչև ս.թ. մարտի 10-ը, ժամը 18:00-ն, հետևյալ հղումով՝