Գլխավոր

ԳՈՐԾԱՌՈՒՅԹՆԵՐ

Արտաքին առևտուր

Հայաստանի Հանրապետությունը 2015 թվականի հունվարի 2-ից պաշտոնապես հանդիսանում է Եվրասիական տնտեսական միության անդամ և կիրառում Եվրասիական տնտեսական միության նորմատիվ իրավական բազայի դրույթները` մաքսասակագնային և սակագնային կարգավորման մասով:

Հայաստանի Հանրապետություն  ապրանքների ներմուծման ժամանակ կիրառվում է Եվրասիական տնտեսական միության միասնական սակագինը, սակայն համաձայն «Հայաստանի Հանրապետության` «Եվրասիական տնտեսական միության մասին» 2014 թվականի մայիսի 29-ի Պայմանագրին միանալու մասին» Պայմանագրին կից 4-րդ հավելվածի Հայաստանի տնտեսության համար մի շարք զգայուն ապրանքների համար ՀՀ կողմից անցումային շրջանում կիրառվում են ԵԱՏՄ միասնական մաքսային սակագներից տարբերվող մաքսատուրքերի դրույքաչափեր:

2003 թվականի փետրվարի 5-ին Հայաստանը պաշտոնապես հանդիսանում է ԱՀԿ 145-րդ անդամ: Որպես ԱՀԿ անդամ՝ Հայաստանը օգտվում է առավել բարենպաստ ազգի ռեժիմից ԱՀԿ անդամ բոլոր երկների հետ հարաբերություններում:

Հայաստանի Հանրապետությունն ունի ազատ առևտրի ռեժիմ Ուկրաինայի, Մոլդովայի, Տաջիկստանի, Վրաստանի, Թուրքմենստանի, Ուզբեկստանի հետ:

ԵԱՏՄ և երրորդ երկրներ համագործակցության շրջանակներում 2016 թվականից գործում է ԵԱՏՄ անդամ պետությունների և Վիետնամի Սոցիալիստական Հանրապետության միջև ազատ առևտրի գոտու մասին Համաձայնագիրը:

Եվրասիական տնտեսական միության և Իրանի Իսլամական Հանրապետության միջև ազատ առևտրի գոտու  ձևավորմանն ուղղված ժամանակավոր համաձայնագիրը ստորագրվել է 2018 թվականի մայիսի 17-ին և ԵԱՏՄ-անդամ երկրներում, ինչպես նաև ԻԻՀ-ում ավարտվել են ներպետական ընթացակարգերը:

Եվրասիական տնտեսական միության և Չինաստանի Ժողովրդական Հանրապետության միջև տնտեսական և առևտրային համագործակցության մասին համաձայնագիրը ստորագրվել է 2018 թվականի մայիսի 17-ին և ուժի մեջ կմտնի ԵԱՏՄ անդամ երկրների և ՉԺՀ-ի կողմից  ներպետական ընթացակարգերն ավարտվելուց հետո:

Համաձայն «Եվրասիական տնտեսական միության մասին» 2014 թվականի մայիսի 29-ի պայմանագրի 36-րդ հոդվածի՝ զարգացող և (կամ) առավել թույլ զարգացած երկրների տնտեսական զարգացմանը նպաստելու նպատակով Եվրասիական տնտեսական միության ադամ երկրները  կարող են տրամադրել  սակագնային արտոնություններ՝ Եվրասիական տնտեսական միության սակագնային արտոնությունների միասնական համակարգից օգտվող՝ զարգացող երկրների և (կամ) առավել թույլ զարգացած երկրներից ծագում ունեցող ապրանքների նկատմամբ՝ միակողմանի հիմքով։

Զարգացող երկրների ծագում ունեցող արտոնյալ ապրանքների համար ԵԱՏՄ մաքսային տարածք  ներմուծման ժամանակ  կիրառվում է գործող Եվրասիական տնտեսական միության միասնական մաքսային սակագնի ներմուծման մաքսատուրքի 25%-ի չափով իջեցում, իսկ առավել թույլ զարգացած երկրների ծագում ունեցող արտոնյալ ապրանքների համար կիրառվում է 0% մաքսատուրքի դրույքաչափ։

Մի քանի զարգացած երկրներ`  ԱՄՆ-ն, Կանադան, Շվեյցարիան, Ճապոնիան և Նորվեգիան Հայաստանին տրամադրում են Արտոնությունների ընդհանրացված համակարգից օգտվելու հնարավորություն /GSP/:

Հայաստանի Հանրապետությունը կայուն զարգացման և արդյունավետ կառավարման համար ԵՄ երկրների կողմից տրամադրվում է Արտոնությունների ընդհանրացված և համալրված համակարգից /GSP+/, որը թույլ է տալիս եվրոպական շուկա մի շարք ապրանքատեսակներ արտահանել զրոյական կամ ցածր մաքսատուրքի դրույքաչափերով:

GSP+ շրջանակներում արտահանման գործընթացում ներկայումս կիրառվող ծագման երկրի հավաստագիրը (Ա ձև) փոխարինվում է ապրանքների ծագման ինքնահավաստագրման համակարգով: 2018 հունվարի 1-ից գործում է «Registered EXporter System» (REX) - ԵՄ «Արտոնությունների ընդհանրացված և համալրված համակարգ» (GSP+) արտոնյալ առևտրային ռեժիմի շրջանակներում ապրանքների ծագման ինքնահավաստագրման նոր էլեկտրոնային համակարգը:

Հայաստանի Հանրապետությունից ապրանքներ արտահանելիս համապատասխան երկրի կողմից տրամադրվող արտոնություններից օգտվելու նպատակով՝ ՀՀ կառավարության կողմից լիազորված մարմնի՝ ՀՀ առևտրաարդյունաբերական պալատի կողմից տրամադրվում են ապրանքների ծագման երկրի որոշման հաստատող հավաստագրեր /սերտիֆիկատներ/։ Ապրանքի ծագման երկրի հավաստագրի գործողության ժամկետը սահմանվում է 12 ամիս` սկսած այն տալու օրվանից։

ԱՊՀ անդամ պետություններ և Վրաստան արտահանվող ապրանքների համար հավաստագրերը ձևակերպվում են «ՍՏ-1» («CT-1») ձևով` եթե ապրանքը համապատասխանում է 2009 թվականի նոյեմբերի 20-ին Յալթայում ստորագրված «Ապրանքների ծագման երկրի որոշման կանոնների մասին» ԱՊՀ անդամ պետությունների կառավարությունների ղեկավարների խորհրդի որոշման պահանջներին: 

Հայաստանի Հանրապետությանն արտաքին առևտրում արտոնություններ տրամադրող երկրներ արտահանվող ապրանքների համար հավաստագրերը ձևակերպվում են «Ա» («A») ձևով` այդ երկրների կողմից ապրանքների ծագման երկրի որոշման կանոններով սահմանված պահանջներին համապատասխան:

 

Գյուղատնտեսության ոլորտի պետական օժանդակության ծրագրեր

Սոցիալական փաթեթի հանգստի ապահովման ծառայություն

Արտադրողների և արտահանողների շտեմարան

ԴԱՍԱԿԱՐԳԻՉՆԵՐ

Աջակցություն զբոսաշրջության ոլորտի ներդրումային ծրագրերին

Հետադարձ կապ նախարարության պատասխանատուների հետ

Հետևեք Ձեր նամակին

Էլեկտրոնային հարցումների միասնական հարթակ

Իրավական ակտերի նախագծերի հրապարակման միասնական կայք

eRegulations Armenia

Հայաստանի Հանրապետության էլեկտրոնային կառավարում

Հայաստանի դիրքը միջազգային վարկանիշներում

  • ԹԵԺ ԳԻԾԸ

    * ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00

ԳՈՐԾԱՐԱՐ ՄԻՋԱՎԱՅՐ

(+374 11) 597 539

ԶԲՈՍԱՇՐՋՈՒԹՅՈՒՆ

(+374 11) 597 157

ՈՐԱԿԻ ԵՆԹԱԿԱՌՈՒՑՎԱԾՔՆԵՐ

(+374 11) 597 167

ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ

(+374 11) 597 166

  • ԱՐՏԱԴՐԱՆՔԻ ԼԱԲՈՐԱՏՈՐ ՓՈՐՁԱՐԿՈՒՄՆԵՐ
  • (+374 11) 597 166

* ԹԵԺ ԳԻԾԸ գործում է աշխատանքային օրերին` երկուշաբթի-ուրբաթ` ժամը 09:00-18:00